jedi 24 avril 2014, 02:28 GMT

Nouvèl / Lèzetazini

Etazini-Kriz Fiskal: Refi Chanm Bas la pou l Vote sou "Plan B" Lidè Repibliken yo

Prezidan Chanm Depite a, John Boehner, ap pale ak laprès apre chanm nan te rejte, jedi 20 desanm 2012 la, lide vòt sou "Plan B" li te patwone a.Prezidan Chanm Depite a, John Boehner, ap pale ak laprès apre chanm nan te rejte, jedi 20 desanm 2012 la, lide vòt sou "Plan B" li te patwone a.
x
Prezidan Chanm Depite a, John Boehner, ap pale ak laprès apre chanm nan te rejte, jedi 20 desanm 2012 la, lide vòt sou "Plan B" li te patwone a.
Prezidan Chanm Depite a, John Boehner, ap pale ak laprès apre chanm nan te rejte, jedi 20 desanm 2012 la, lide vòt sou "Plan B" li te patwone a.
Dimansyon Lèt yo - +
Ozetazini, Chanm dè Reprezantan an rejte plan prezidan kò a, Depite John Boehner, te genyen pou l fè yon vòt sou yon pwopozisyon-lwa pou evite gouvènman an tonbe nan yon kriz fiskal grav apati de premye janvye 2013 la. Kounye a, daprè Misye Boehner, bal la nan pye Prezidan Barack Obama ki dwe travay ak lidè majorite a nan Sena a, Demokrat Harry Reid, sou yon plan pou evite peyi a tonbe anba sa ki rele “Falèz Fiskal la”, sètadi yon sitiyasyon kote taks kontribyab yo ap peye kapab ogmante otomatikman, epi gwo bès otomatik nan lajan leta federal la depanse pou finanse pwogram sosyal tankou swen sante pou gran moun aje yo ak sekirite sosyal
 
Daprè analis yo, menmsi Chanm Depite a te vote « Plan B » Misye Boehner la, se tap yon vòt senbolik tou senpleman, paske majorite demokrat la nan Sena a te pale klè pou di li pa tap menm vote pou fè deba sou plan an nan Chanm Wòt la. Byen bonè nan jounen jedi a, menm anvan Misye Boehner te anonse retrè plan n nan, Misye Reid te di yon plan konsa pa ta prale okenn kote.  Senatè Reid te deklare -nap site:
 
“Toutotan Repibliken yo pa aksepte mete plan pa nou an o-vòt nan Chanm Depite a –yon plan ki deja pase nan Sena a-- nou pa gen anyen pou n diskite. Nou pap pran an konsiderasyon anyen sitou nan bagay yap prepare laba a, nan Chanm Depite a, jounen Jodi a.”
 
Pou analis politik e pwofesè Larry Sabato, divisyon ki egziste sou dosye fiskal la ant la Mezon Blanch ak lidè repibliken yo nan Kongrè a, se reflè yon gwo divizyon ki egziste anndan peyi amenm. Misye Sabato di:
“Sa se reflè yon gwo kokenn divizyon, yon divizyon pwofon, ki egziste Ozetazini; sa montre kijan 2 pati yo pa tèlman gen anpil bagay an komen. Se pa sèlman yon kesyon pèsonèl ant Prezidan Barack Obama ak prezidan Lachamn nan, John Boemner; sa plis montre yo reprezante klèman 2 filozofi diferan sou jan gouvènman an dwe fonksyone; e nan yon ka konsa, li trè-trè difisil pou w fè konpwomi sou prensip ki fondamantal pou ou.” 
 
Deklarasyon pwofesè Sabato a montre genyen anpil travay ki rete pou fèt toujou alòske pa rete anpil tan pou ogmantasyon otomatik taks yo, ak eliminasyon otomatik kèk pati nan pwogram federal yo antre an aplikasyon. Dat la se premye janvye 2013.

Swiv nou sou rezo sosyal yo