madi 29 jiyè 2014, 20:52 GMT

Nouvèl / Entènasyonal

Larisi Mande Kore di Nò pou l Kanpe sou Plan li Genyen pou Lanse yon Fize

x
Ekip Sèvis Kreyòl VOA
Larisi egzòte Kore-di-Nò pou l pa avanse nan plan li genyen pou l lanse yon fize  disi fen mwa desanm nan. Ministè afè etranje ris la  fè deklarasyon sa a soti jodi lendi a. Larisi fè vwa l fè yon sèl ak kominote entènasyonal la pou eksprime kè sote li genyen  sou entansyon Kore di Nò yo.

Pyongyang presise li pral  mete an òbit  satelit « d’observation terrestre », men kominote entènasyonal sispèk  ke  demach  sa a kache  yon tès pou misil balistik. Lachinn  ak prensipal alye nò-koren yo  te eksprime tou dimanch 2 desanm nan  kè sote yo  sou pwogram lansman misil Kore di Nò a.   

Japon tou pwofite anonse anilasyon yon chita-tande 2 jou  li te gen pou te fè ak  Kore di Nò--- yon rankont ki te gen pou te kòmanse mèkredi nan Peken. Responsab nipon yo pran desizyon sa a akoz plan lansman nò koreyen an.
Fowòm sa a fèmen
Kòmantè
     
Poko gen kòmantè sou fowòm nan. Si ou vle, ou ka tounen premye moun ki kòmante sou li.

Swiv nou sou rezo sosyal yo