Operasyon Izrayèl la vini apre dè semenn kote otorite israelyen te di ke yon ofansiv nan Rafah te nesesè pou reyalize objektif yo ki se bat Hamas, pandan Etazini, Nasyon Zini ak lòt, avèti ke lanse yon ofansiv nan yon zonn chaje ak sivil palestinyen ta kreye yon dezas imanitè.
Chef politik afè etranjè Inyon Ewop Josep Borell di jounalis yo sa pwal lakoz anpil sivil viktim.
Minis afè etranjè chinwa Lin Jian mande Izrayèl pou li chache evite dezas imanitè ki pi grav nan teritwa a.
Pòtpawol ajans imanitè l-ONU Jens Laerke fè konnen Izrayèl fèmen pasaj Rafah ak Kerem Shalom ak 2 prensipal wout kote èd imanitè konn antre nan Gaza.
