Mwayen Oryan
Biden Ankouraje Izrayèl pou l Mete Dlo nan Diven li pou Konfli Mwayen Oryan an pa Gaye Pi Plis
Lezetazini ap mete aksan sou wòl lap jwe nan jefò pou ede Izrayèl kwape atak ayeryen Iran te lanse kont li.
Prezidan Joe Biden konvoke Dimanch lidè peyi ki fè pati Gwoup dè 7 la, pou eseye anpeche konfli rejyonal nan Mwayen Oryan an pran plis anplè epi kowòdone yon kondanasyon Teheran.
Etazini ede Izrayèl desann plizyè douzèn dron ak misil Iran tire kont li Samdi.
Otorite Izrayelyen yo di yo desann 99% zam Iran lanse kont yo san yo pat koze domaj siyifyan.
Otorite Ameriken yo di malgre Teheran lapide Izrayèl ak yon pakèt zam, objektif Teheran pou "detwi epi touye moun" pat ranpòte siksè.
Etazini di si atak la te gen siksè, li tap koze yon ogmantasyon "enkontwolab" konfli a toupatou nan Mwyen Oryan an.
See all News Updates of the Day
Gran Tit Nouvèl Entènasyonal pou 20 Me, 2024
VOA 60: Luis Abinader Reeli Pou Yon 2èm manda 4 tran
Prezidan Iranyen an Ayatollah Ebrahim Raisi mouri nan yon aksidan elikoptè
Peyi Iran fè konnen jiska bonè jodi lendi a , yo te kontinye ap cheche yon elikoptè ki tonbe nan pati nòdwès peyi a avèk abò l prezidan peyi a, Ebrahim Raïssi ki gen 63 zan, ak plizyè lòt gwo responsab gouvènmantal.
Sekouris ki reyisi jwenn aparèy la ki al kraze nan flan yon montay, presize pa genyen okenn siy ki ta montre gen moun ki vivan toujou nan elikoptè a.
Medya leta yo di elikoptè a al kraze dimanch 19 me 2024 akoz move tan toupre rejyon Varzaqan nan pwovens Azerbaydjan oryantal . Medya yo kontinye pou di, yo deja pran kadav prezidan Raïssi, ak minis afè etranjè a, Hossein Amirabdollahian, ak 2 lot lòt responsab iranyen ki te fenk sot patisipe nan yon evenman pa lòtbò fwontyè Azerbaydjan ansanm prezidan Azerbaydjan an Ilham Aliyev.
Dapre medya iranyen yo, aparèy ki kraze a te twouve l pami 3 elikoptè ki t ap transpòte responsab iranyen yo pandan yo t ap retounen apre yo te fin inogire santral idwo-elektrik Khoda Afarin ak Giz Galasi a nan rivyè Aras ki make fwontyè ant Iran ak Azerbaïdjan.
Prezidan Aliyev fè soti yon deklarasyon sou platfòm X la , ansyen Twitter, kote li di « Li twouble anpil devan aksidan elikoptè prezidan Raïssi a e li ofri priyè ak asistans bay Iran ki se yon « peyi ami e frè ».
- Serge Michel
Wout Pwovizwa pou Èd Antre Gaza
Kamyon ki pote èd ke moun nan Gaza bezwen anpil woule pou travèse yon waf flotan ke Etazini fèk bati, pou premye fwa jodi vandredi a, e konsa yo rantre nan Gaza ki anba syèj, pandan restriksyon Izrael sou pasaj fwontyè yo ansanm ak gwo batay fè li difisil pou manje ak lòt èd antre sou teritwa a.
- Serge Michel
Livrezon Asistans Imanitè nan Gaza
Kamyon ki pote èd ke moun nan Gaza bezwen anpil woule pou travèse yon waf flotan ke Etazini fèk bati, pou premye fwa jodi vandredi a, e konsa yo rantre nan Gaza ki anba syèj, pandan restriksyon Izrael sou pasaj fwontyè yo ansanm ak gwo batay fè li difisil pou manje ak lòt èd antre sou teritwa a.
Chajman an se premye ki antre nan yon operasyon ke dirijan lame Etazini yo te prevwa ta ka pèmèt jiska 150 kamyon pa jou rantre nan Gaza, pandan Izrayèl ap mete presyon pou li rantre nan vil Rafah nan sid Gaza, nan kad ofansiv li a ki la depi 7 mwa.
Men Etazini ak gwoup ki ap bay èd yo avèti tou ke pwojè waf la paka ranplase livrezon èd sou wout atè, kote yo ta ka pote tout manje, dlo ak gaz ke moun nan Gaza bezwen. Anvan gè a, se plis pase 500 kamyon pa jou ki te konn pote machandiz antre nan Gaza.
Gran Tit Nouvèl Entènasyonal pou 17 Me, 2024
VOA 60: Sè Lidè Kore di Nò a Kim Demanti ke Peyi l Founi Larisi Zam
Facebook Forum