Otorite nan Washington DC fè konnen lapolis tire ak bal yon dam ki te chache travèse ak oto li yon barikad toupre Mezon Blanch anvan li te akselere pandan lapolis t ap rapousuiv li jouk li rive nan ri ki toupre Capitol la, an palan de bilding Kongrè Etazini an.
Lapolis Capitol la fè konnen dam nan t al fè kolizyon ak yon machin lapolis, kote li blese yon polisye, e yon elikoptè medikal te pran polisye a pou mennen l lopital.
Responsab Capitol la te fèmen l pou yon ti bout tan pou kontwole sityasyon an. Men pa t gen menas kont palmantè yo ki te andan bilding nan.
Chèf polis Capitol la, Kim Dene, ki t-ap pale ak repòtè pale pou di sanble se yon ensidan izole e ke sa pa gen rapò ak aktivite teworis.
Li di : ‘’Sèvis sekrè ann inifòm te eseye rete oto a. Kèk kout zam te pati. Yo te rapousuiv oto a. Oto a t al frape ak youn nan machin nou yo isit la nan kalfou Ru 1 ak Avenue Constitution e li te abouti nan Ru 2 ak Avenue Maryland North East kote li t al frape nan youn nan barikad nou yo’’. Nou bloke tou le 2 lye aksidan yo.’’
Otorite a refize konfime nouvèl ki fè konnen dam nan pèdi lavi l nan tire a, men li fè konnen polisye yo kwè te gen yon timoun ak li nan oto a.
Lapolis Capitol la fè konnen dam nan t al fè kolizyon ak yon machin lapolis, kote li blese yon polisye, e yon elikoptè medikal te pran polisye a pou mennen l lopital.
Responsab Capitol la te fèmen l pou yon ti bout tan pou kontwole sityasyon an. Men pa t gen menas kont palmantè yo ki te andan bilding nan.
Chèf polis Capitol la, Kim Dene, ki t-ap pale ak repòtè pale pou di sanble se yon ensidan izole e ke sa pa gen rapò ak aktivite teworis.
Li di : ‘’Sèvis sekrè ann inifòm te eseye rete oto a. Kèk kout zam te pati. Yo te rapousuiv oto a. Oto a t al frape ak youn nan machin nou yo isit la nan kalfou Ru 1 ak Avenue Constitution e li te abouti nan Ru 2 ak Avenue Maryland North East kote li t al frape nan youn nan barikad nou yo’’. Nou bloke tou le 2 lye aksidan yo.’’
Otorite a refize konfime nouvèl ki fè konnen dam nan pèdi lavi l nan tire a, men li fè konnen polisye yo kwè te gen yon timoun ak li nan oto a.