Wòl Fanm nan Rekonstriksyon Ayiti: se tèm yon seyans diskisyon ki dewoule nan U.S. Institute of Peace, nan Washington, sou patwonaj enstiti sa a avèk Vital Voices.
Objekif la se sansibilize otorite yo sou kontribisyon medam yo kapab pote nan efò k ap fèt pou rekonstri peyi d Ayiti aprè tranblemanntè 12 Janvye 2010 la. P
anelis yo pral abòde sitiyasyon fanm aysiyèn k ap viv anba tant jous jounen jodiya.
Ann Ayiti, fanm yo sèvi ak medya sosyal yo pou yo pale de pwoblèm y ap konfwonte nan kominote yo epi fòse dirijan yo fè chanjman politik ki kapab pèmèt yo jwe yon pi gwo wòl nan zafè peyi a.
Pami panelis yo, genyen :
-Depite ameriken Donna Edwards (D-MD)
-Yanick Mézile, Minis Ayisyen pou Zafè Fanm
-Michel Montas, jounalis, konsiltan nan zafè dwa moun, ansyen pòt-pawòl Sekretè Jeneral Nasyonzini
-Emily Jacobi, Ko-fondatris ak direktris Digital Democracy,
-Kathleen Kuehnast, direktris Gender and Peacebuilding nan U.S. Institute of Peace,
-Dr. Robert Maguire, prezidan Gwoup Travay sou Ayiti, nan U.S. Institute of Peace;
- Robert Perito, direktè Pwogram Ayisyen nan U.S. Institute of Peace.
Sèvis Kreyòl Lvwadlamerik la ap kouvri evennman sa a. Swiv repòtaj nou yo.