Jounal ameriken New York Times fè konnen yon pwòch kolaboratè prezidan peyi Afganistan an, Mohammed Zia Salehi --k ap travay pou Konsèy Sekirite Nasyonal Afganistan an e ki anba ankèt poutèt li ta swadizan mele nan koripsyon-- twouve l sou pewòl Ajans Santral Ransèyman Lèzetazini an, CIA.
Jounal la site kèk ofisyèl ameriken ak afgan ke li pa nonmen e ki ta ki kòmkwa pwòch kolaboratè sa a sanble genyen plisyè lane déjà depi l ap resevwa lajan nan men CIA.
New York Times di li pa fin klè si misye Salehi ap touche kòb sa a pou l bay enfòmasyon oubyen pou l ede Lèzetazini fè opinyon n pase nan mitan administrasyon Prezidan afgan an, Hamid Karzai.
Mohammed Zia Salehi pa fè deklarasyon imedyatman sou akizasyon sa a.