Accessibility links

Reyinyon sou yon Plan Vaksinasyon Pou Popilasyon an ann Ayiti

  • Cherubin Dorcil

Reyinyon sou yon Plan Vaksinasyon Pou Popilasyon an ann Ayiti

Oganizasyon Panamerikèn Lasante (OPS) fè konnen otorite ayisyen yo ak patnè yo ap travay sou yon plan pou vaksinen popipasyon an pi byen nan 5 ane k ap vini yo.

Nan yon nòt OPS publiye mèkredi 8 mas la, li presize yo pral entwodui 3 nouvo vaksen nan kad plan sa a, ke OPS/OMS, UNICEF, ak lòt patnè Ayiti nan domèn sante a, te prezante an nan jounen sa a.

Doktè Ariel Henry, ki travay pou Ministè Sante ann Ayiti deklare, “Nou ta renmen komanse pi vit posib plan vaksinasyon sa a ki pral dewoule sou plizyè lane, yon fason pou nou ka sove lavi e pwoteje Ayisyen yo."

Doktè Henry ajoute: "Dyare ak Nemoni se prensipal koz lanmò pami timoun ayisyen yo --donk otorite yo gen entansyon parèt ak kèk vaksen ki kapab ede yo konbat maladi sa yo pi byen.

Nan reyinyon kote responsab yo t ap anonse plan an, te gen reprezantan CDC, --Sant ameriken pou Kontwòl Maladi ak Prevansyon--- ACDI (ki se Ajans Kanadyen pou Developman Entènasyonal), UNICEF(Ajans Nasyonzini pou Timoun), USAID (Ajans Ameriken pou Developman Entènasyonal ), Fondasyon Bill e Melinda Gates, ak lòt sektè.

XS
SM
MD
LG