Accessibility links

Sekretè Deta Clinton Salye Fèt Endepandans Dayiti

  • VOA Nouvèl

Prezidan ameriken an Barack Obama ak Sekretè Deta Hillary Rodham Clinton (foto achiv)

Nan yon nòt pou laprès ki soti nan Depatman Deta Ameriken an, Sekretè-Deta Hillary Clinton deklare nan non Prezidan Obama ak pèp ameriken an, li pote kole ak pèp ayisyen an pou l onore 207èm anivèsè endepandans peyi Dayiti, 1er janvye 2011 la.

Nòt la raple ke lè Ayiti te kase chenn lesklavaj e dekrete libète l vizavi Lafrans an 1804, li te fè listwa ak yon egzanp san parèy pou endepandans nan Amerik Latin nan e li te kreye premye nasyon kote se nwa ki t ap dirije, nan peryòd apre tan lakoloni.

Madam Clinton pale pou l di:

"Jounen jodi a, nou wè kouraj lit sa a, sòti nan lidèchip Jean Jacques Dessalines ak Toussaint Louverture pou rive nan fòs ak inite pèp ayisyen an reflete nan repons Ayiti bay apre tranblemanntè ki te devaste peyi a nan dat 12 janvye 2010 la.

Malgre tout sa nasyon an soufri, li demontre ke li pa janm fè bèk atè. Li pwouve li gen volonte ak pasyon pou li pouse pou pi devan e bati yon nasyon pi pwospè. "

Sekretè-Deta Hillary Clinton fini pou l di:

"Pèp ak gouvènman peyi Etazini kanpe fèm bò kote pèp ayisyen an, e nou pran angajman pou n ede nou garanti ke se vwa pa nou ki detèmine direksyon nasyon nou an ak gouvènman nou an pral pran."

Madan Clinton swete Ayiti ak tout Ayisyen yon bòn fèt endepandans ak yon bon joudlan.

XS
SM
MD
LG