Accessibility links

Yon Fowòm 2 Jou sou Envestisman ap Pran Fen Mèkredi nan Peyi d Ayiti

  • VOA Nouvèl

Mèkredi 30 novanm 2011 la, yon fowòm 2 jou sou envestisman ap pran fen ann Ayiti. Se yon inisyativ Fondasyon Clinton, Bank Entè-Ameriken Devlopman ak gouvènman ayisyen an.

Fowòm sa a, k ap dewoule nan Caribe Convention Center, nan Pétion-Ville, reyini plizyè òmdafè ayisyen ak etranje pou fè yo wè avantaj yo kapab jwenn si yo envesti lajan yo nan peyi a.

Plizyè obsèvatè nan peyi d Ayiti kou nan dyaspora a fè konpliman pou inisyativ la; sepandan yo ensiste sou nesesite pou gouvènman ayisyen an ofri envestisè potansyèl yo garanti k ap nesesè pou yo mete lajan yo travay nan peyi a, tankou elektrisite, mwayen kominikasyon ki merite konfyans, ak sekirite.

Genyen nan yo ki di, menm avèk pi bèl pak endistriyèl nan lemond, san garanti sa yo yon òmdafè pap jwenn ankourajman pou l envesti lajan li nan yon peyi.

Korespondan nou Clarens Renois rezime gwo pwen ki te domine premye jounen fowòm sa a.

Klike sou lyen ki nan kòmansman atik la pou w koute repòtaj Clarens Renois.

XS
SM
MD
LG