Accessibility links

Vyolans Nan Afganistan : 10 Sivil ak 8 Atakan Pèdi Lavi yo

  • VOA Nouvèl

Vyolans Nan Afganistan : 10 Sivil ak 8 Atakan Pèdi Lavi yo

Otorite yo fè konnen 10 sivil mouri nan Afganistan nan nuit madi 28 jen 2011 la aprè militan Taliban ki te ame jous nan dan te pran daso yon otèl de luks nan kapital la, Kaboul.

Daprè menm sous la, militan yo te pwovoke yon syèj ki te dire 5 kè d tan nan Otèl Entènasyonal e sa te fini aprè 8 atakan yo te swa fè eksplozif sote sou yo, swa tonbe anba kout-zam fòs sekirite yo.

Atak sa a –ki lakoz 8 moun blese tou— dewoule lavèy yon konferans k ap fèt pou diskite sou plan kowalisyon entènasyonal la genyen pou l remèt sekirite Afganistan pwogresivman bay fòs sekirite peyi a.

Otorite yo fè konnen tou pi fò nan moun ki mouri yo sete anpwlaye otèl la ; sepandan yo mete sou lis la omwen 2 polisye afgan. L'OTAN di 2 nan elikoptè li yo te pase alaksyon e yo touye 3 militan ki te pran pozisyon sou tèt otèl la.

XS
SM
MD
LG