Lapolis nan Pakistan fè konnen yon machin pyeje touye omwen 9 moun e blese 30 lòt nan pati nòdwès Pakistan, alòske yon machin gouvènman an ki pran nan yon anbiskad touye omwen 6 moun.
Otorite yo di kamikaz la te fè eksplozyon an nan vil Hangu tou prè rejyon kote tribi ap viv e se kote tou konbatan Taliban ak al-Qaida ap opere.
Omwen 4 polisye te pami moun ki viktim yo. Ensidan sa a fèt nan yon zòn rezidansyél e gen omwen 7 kay ki kraze. Lapolis di machin pyeje a te gen omwen 300 kilogram eksplozif.