Yon akò pral pèmèt ansyen prezidan dechouke Ondiras, Manuel Zelaya, retounen nan peyi li e konsa Ondiras ap kapab retounen nan l’OEA (Oganazasyon Eta Ameriken yo).
Mesye Zelaya jwenn antant sa a ak Prezidan Porfirio Lobo ki sou pouvwa a aktyèlman nan Ondiras . 2 mesye yo souri e yo bay lanmen dimanch 22 me a nan moman yo t ap siyen akò a nan vil Kartajèn, nan peyi Kolonbi.
Prezidan venezuelyen an, Hugo Chavez, ak prezidan kolonbyen an, Juan Manuel Santos, te fasilite negosyasyon ki debouche sou akò sa a ki ouvè pòt la pou mesye Zelaya retounen Ondiras san menas pou l ta ale nan prizon.