Accessibility links

Yon Adolesan Ak Tout Papa l Mouri Anba Bal Sòlda Meksiken

  • Jacquelin Belizaire Coralie Saint-Louis

O Meksik, responsab yo fè konnen yon tigason 15 zan ak papa l mouri apre sòlda te ouvè kout zam sou yon machin nan eta Nuevo Leon, nan pati nò peyi a.

Anketè yo presize ensidan an rive lendi 6 septanm 2010 la lè machin nan sanble l pat rete nan yon pòs enspeksyon militè sou yon otowout ki lye vil meksiken, Monterrey ak vil Laredo, eta Tegzas.

5 lòt moun ki te nan machin nan blese. Depatman Defans Meksiken an anonse ouvèti yon ankèt sou ensidan an pandan li prezante kondoleyans li bay fanmi viktim yo.

Ensidan sa a rive 3 jou apre Lèzetazini te anonse li kapab dekese 26 milyon dola asistans pou Meksik e li rekòmande pou vil Meksiko fè plis pou anpeche sòlda yo viktim.

Washington siyale li te déjà dekese 36 milyon nan kad Pwogram Merida a e yon milya 400 milyon dola pou ede Meksik nan lit l ap mennen kont katèl dwòg yo.

Depi Prezidan Felipe Calderon monte sou pouvwa a an 2006, gen plis pase 28 mil moun ki mouri nan vyolans ki makònen ak trafik dwòg nan peyi Meksik.

XS
SM
MD
LG