Sekretè deta ameriken an, Mike Pompeo fè konnen li byen akeyi nouvèl mizan-akizasyon 4 moun yo sispèk ki ta mele nan desann yon avyon Malezi nan lane 2014 e li espere Larisi ap kolabore avèk ankèt la.
Envestigatè entènasyonal yo idantifye sispèk yo kom 3 sitwayen ris -- Igor Girkin, Segey Dubinskiy ak Oleg Pulatov ak yon ukrenyen Leonid Karchenko -Prokirè yo akize tou le 4 pou krim.
Chèf diplomasi ameriken nan, lanse apèl pou mande Larisi pou l asire sispèk yo ki nan Larisi kounye a fè fas a la jistis. Vòl 17 avyon Malezi a tap soti Amsterdam pou li ale Kuala Lumpur lè li te sote nan Lès Ikren 17 jiyè 2014. Tout 298 moun ki te abò a pedi la vi yo.