Accessibility links

Breaking News

Wyclef Jean Patisipe Nan yon Manifestasyon Dwa Moun Pou Apiye Migran Ayisyen yo


Atis Ayisyen Wyclef Jean pale ak fanmi migran yo nan yon sant pou migran nan vil Tijuana, peyi Meksik, 27 Oct. 2021.

Atis renome Ayisyen Wyclef Jean patisipe nan yon manifestasyon an favè dwa moun Mekredi nan vil Otay Mesa, eta Kalifoni.

Pandan rankont la, misye te lanse apèl bay Prezidan Joe Biden, Vis Prezidan Kamala Harris epi Sekrete Sekirite Nasyonal la Alejandro Mayorkas pou sispan depote migran Ayisyen kap eseye antre Ozetazuni sou frontyè eta Texas ak Meksik la.

Li mande tou pou yo sispann aplike politik Tit 42 a.

Tit 42 se yon politik ke ansyen prezidan Donald Trump te mete ann aplikasyon e ki gen rapo ak pandemi COVID-19 la. Li pèmèt gad frontyè Etazuni depote migran k ap chache antre nan peyi a pou pwoteje sante piblik la.

Atis Ayisyen Wyclef Jean pale ak fanmi migran yo nan yon sant pou migran nan vil Tijuana, peyi Meksik, 27 Oct. 2021.
Atis Ayisyen Wyclef Jean pale ak fanmi migran yo nan yon sant pou migran nan vil Tijuana, peyi Meksik, 27 Oct. 2021.


Wyclef te rankontre tou, kek manm kominote Ayisyèn nan. Li te gen avek li Guerline Jozef, direktris Haitian Bridge Alliance, yon òganizasyon charite nan vil San Diego, eta Kalifòni ki ede migran Ayisyen yo. Madan Jozef fek sot ranpòte pri dwa moun Robert Kennedy a pou travay li ak migran yo.

Nan yon mesaj li te pibliye sou kont ofisyel Instagram ni pi sa gen kek semèn, Wyclef te rakonte istwa kijan li te konn al lekol sou yon bourik lè'l te piti, e kijan li te viv nan ghetto Nouyok lè fanmi li te fèk rive Ozetazuni. Li te gen 9 an nan epòk la.

Atis Ayisyen Wyclef Jean pale ak fanmi migran yo nan yon sant pou migran nan vil Tijuana, peyi Meksik, 27 Oct. 2021.
Atis Ayisyen Wyclef Jean pale ak fanmi migran yo nan yon sant pou migran nan vil Tijuana, peyi Meksik, 27 Oct. 2021.


Jodia, Wyclef Jean se youn nan atis Ayisyen ki gen plis siksè nan mond lan. Li deja ranpòte 3 pri Grammy - ki se pri mizik pi prestije a Ozetazuni, epi yon pri Glob d'Or.

An 2010, li te poze kandidati li a la prezidans nan peyi d 'Ayiti.

Facebook Forum

XS
SM
MD
LG