Otorite yo fè konnen yon kamikaz atake yon moske nan pwovens Kandahar nan Afganistan kote li touye 4 moun nan seremoni antèman yon demi-frè Prezidan Hamid karzai ki te mouri ansasinen madi 12 jiyè pase a.
Non demi-frè sa a se Ahmad Wali Karzai. Ministè entèryè a di atak sa a, ki fèt jedi 14 jiyè a, touye lidè prensipal konsèy relijye nan pwovens la ak 3 lòt moun.
Daprè otorite lokal, gen 13 lòt afgan ki blese.