Accessibility links

Vyolans ann Ejip: Plis pase 2 Dizèn Mò, Plis pase 200 Blese

  • VOA Nouvèl

Vyolans ann Ejip: Plis pase 2 Dizèn Mò, Plis pase 200 Blese

Nan Lejip, otorite yo arete plizyè douzèn moun nan kapital la, Lekèr, aprè konfwontasyon ki dewoule dimanch 9 oktòb 2011 la ant Kretyen Koptik ak lapolis. Bilan: 24 moun mouri e plis pase 200 lòt blese. Otorite yo pa presize si moun yo arete yo se Kretyen Koptik oubyen Mizilman.

Laprès rapòte gouvènman ejipsyen an deside reyini dijans manm kabinè ministeryèl la pou yo diskite sou sitiyasyon an; lame deja enpoze yon kouvrefe sou Plas Tahir la kote pi gwo konfwontasyon an dewoule a; kouvrefe a valab tou pou kèk zòn ki antoure plas la. Yon manifestan --yon kretyen koptik-- eksplike sa k pase sou plas la. Misye di -nap site:

“Lè m rive sou plas la, mwen wè sòlda ki tap tire kout gaz lakrimojèn, epi yo tonbe nan lese-frape ak sivil ki tap goumen antre yo mwen pa konn pouki rezon. Apre sa, mwen wè moun ki tap bat Kretyen yo tou pre estasyon televizyon Leta a kote mwen wè kèk moun ki te mouri –pami yo te genyen timoun. Moun ki te ka kouri, kouri; sa k pat ka kouti, te rete dèyè."

Sa gen kèk tan deja depi Kretyen Koptik yo ann Ejip ap pwoteste pou yo denonse le fèt ke Mizilman te boule yon legliz yo; men dimanch pwotestasyon an te tounen yon manifestasyon kont rejim militè ki sou pouvwa a.

XS
SM
MD
LG