Accessibility links

O Venezuela: 2 Lidè Opozisyon an ki te Deja Ap Viv nan Rezidans Siveye Jwenn Arestasyon yo

  • Ekip Sèvis Kreyòl VOA

Nan foto 8 jiyè 2017 sa a, Leopoldo Lopez, youn nan lidè opozisyon venzuelyen an kenbe drapo peyi a nan men li pou l salye sipòtè li yo nan Karakas, Venezuela. Yo te arete Mesye lopez yon fwa deja e apre yo te fin libere li, li tap viv sou rezidans siveye. Mesye Lopez jwenn arestasyon li yon lòt fwa ankò madi 1 out 2017 la.

O Venezuela, 2 lidè opozisyon an ki te nan rezidans siveye, jwenn arestasyon yo anba men fòs sekirite peyi a swa 2 jou apre vòt dimanch 30 jiyè 2017 pase a, yon vòt ki vize mete sou pye yon asanble konstityant pou re-ekri konstitisyon peyi sid ameriken an.

Manm fanmi Leopoldo Lopez ak Antonio Ledezma fè konnen ajan sekirite te arete 2 lidè opozisyon an byen bonè madi 1e out 2017 la. Tou 2 fanmi yo pibliye sou Twitter videyo kote yo tap arete Mesye Lopez ak Ledesma.

Mesye Ledezma limenm te an Pijama. Lakou siprèm nan Venezuela di yo remete 2 nèg yo nan prizon, paske otorite nan sèvis ransèyman yo fè konnen yo tap eseye kouri kite peyi a.

XS
SM
MD
LG