Accessibility links

Dapre Ajans Nouvèl Reuters, Etazini ak Kore Di Nò Angaje nan yon Daylòg Diplomatik Sou Kote

  • Ekip Sèvis Kreyòl VOA

Diplomat Joseph Yun (adwat) anvwaye espesyal Etazini pou dosye Kore di Nò a.

Nouvèl yo fè konnen Etazini ap rapouswiv diplomasi dirèk dèyè rido ak Kore di Nò, malgre boukantay pawòl piman bouk ant Prezidan Donald Trump ak Pyongyang.

Nan yon atik ki parèt sèlman sou Reuters mèkredi 1e novanm 2017 la, ajans nouvèl la fè konnen li aprann bò kote yon otorite nan Depatman Deta ki pa vle non l site Joseph Yun, anvwaye espesyal Etazini pou dosye Kore di Nò, ap pale ak diplomat ki estasyone nan misyon Kore di Nò a nan Nasyon Zini.

Kidonk Msye Yun ap sèvi ak sa ki rele nan langaj komès diplomatkc “Kanal Nouwòk la." Prezidan Trump te sèmante ouvètman pou l detwi Kore di Nò si rejim nan kontinye devlope zam nikleyè ak misil balistik.

Sepandan, Pòtpawòl Depatman Deta a, Aaron Tarver, di laprès li pap bay detay sou konvèsasyon diplomatik prive a.

XS
SM
MD
LG