Accessibility links

Breaking News

Etazini Mande Tout Ameriken "Reflechi Byen Reflechi" Anvan yo Vwayaje ann Ayiti


Touris nan aewopò Toussaint Louverture a nan Pòtoprens. (Foto: S. Lemaire/VOA)

Nan yon nòt Depatman Deta Ameriken pibliye fè konnen moun ki vle ale nan peyi Dayiti ta dwe reflechi byen reflechi anvan yo fè vwayaj sa a akoz manisfestasyon enprevizib kap dewoule tanzantan nan kapital la, Pòtoprens ansanm ak kèk lòt vil nan peyi a.

Nan dat 29 novanm 2018 la, gouvènman Etazini an bay anplwaye ameriken ki pa esansyèl otorizasyon pou kite peyi a ansanm ak man fanmi yo. Manifestasyon mete ak moun kap boule kawotchou nan lari ak blokis sou wout yo, se bagay moun ka wè ase souvan e yo fèt sanzatann.

Krim vyolan tankou vòl ak zam, se zak bandi ap komèt pasi-pala. Anplis desa, polis nasyonal peyi Dayiti a pa genyen resous sifizan pou fè fas ak divès gwo ensidan kriminèl.

Sèvis dijans tankou sèvis anbilans limite anpil e, nan kèk ka, yo pa menm egziste.

Nòt sa a, se yon avètisman Depatman Deta Etazini an lanse pou sitwayen ameriken reflechi byen reflechi anvan yo vwayaje nan direksyon Ayiti.

XS
SM
MD
LG