Accessibility links

Breaking News

Etazini: Manifestasyon Anti-Rasis la Reyini Anpil Moun Lontan, Pase Gwoup Blan Nasyonalis yo nan Washington DC


Manifestasyon sitwayen ameriken ki kont diskriminasyon rasyal yo. Washington DC, August 12, 2018. Foto: Jounalis Sèvis Panyòl Lavwadlamerik.
Gwoup ki kont diskriminasyon rasyal yo soti an pi gran nonb pase gwoup blan nasyonalis ki te gen pou mache dimanch 12 out 2018 la nan Washignton DC, kapital amerikèn nan, depi estasyon tren Foggy Bottom pou rive tou pre Lamezon Blanch.

Gwoup blan sipremasis ak neo-Nazi yo te bay patizan yo randevou nan Washington DC pou rasanbleman yo rele "Unite the Right" Rasanbleman Pati Dwat la" menm jan ak sa yo te fè ane 2017 pase jou pou jou nan pak Charlottesville la pou te pwoteste kont plan pou retire yon estati Robert E. Lee, kòmandan Lame Eta Konfederasyon an pandan Lagè Sivil Etazini nan 19èm syèk la.

Òganizatè mach dimanch la, Jason Kessler, di: "The white rights movement, mouvman pou defann dwa blan yo, pa kapab asosye l ak lahèn vyolans e opresyon. Lapli ak loraj ki tap gwonde pat bay lòt manm òganizatè yo chans pou pran lapawòl.

Kont-manifestan yo ki te pran lari depi vè 1è nan aprè midi nan direksyon devan Lamezon Blanch pou al pwoteste kont mach blan nasyonalis mouvaman dwa blan an. Yo fè konnen li lè pou sistèm dominan, diktati ak bout di fini. Etazini se yon nasyon pou tout moun.

Rasanble ane pase a te fin an ked pwason lè yon jèn òm ki te pami blan sipremasis yo te fonse ak machin li sou gwoup kont-manifestan yo. Yon jèn fi, Heather Heyer, te pèdi lavi li nan ensidan sa a e plizyè lòt moun te soti blese. Jèn gason si la kounye ap reflechi nan prizon pou zak sa a li te komèt.

Yon jèn fi kap etidye medsin nan yon inivèsite nan Virjini di laprès li abite nan eta sa a depi 10 zan e li santi l vekse lè li wè kòman otorite yo prèske pa fè anyen apre ensidan nan Charlottesville ane pase a. Li ajoute, "Mwen kanpe la jodi a nan non tout kamarad klas mwen yo pou m di nan kont rasis, ak rayman.

Konsènan rali nasyonalis blan yo ak kont-manifestan anti-rasis yo nan Washington DC dimanch 12 out 2018 la, Prezidan ameriken an, Donald Trump, ekri sou kont Twitter l pou l di: "Mwen kondane tout kalite rasis ak zak vyolans. Lapè pou tout Ameriken!"
XS
SM
MD
LG