Accessibility links

Breaking News

Twòp Doz Vaksen COVID-19 ka Fini pa Febli Sistèm Defans Kò a


Foto Achiv: Yon echantiyon piki Moderna kont COVID-19 la.

Ajans pou kontwòl medikaman nan Inyon Ewòp la bay avètisman pou di ke twòp doz vaksen COVID-19 ka fini pa febli systèm defans kò a, sa ki ka fè doz boustè yo pa bay okenn rezilta.

Marco Cavaleri chèf estrateji vaksen pou ajans medikaman Ewopeyen an di nan komansman semèn nan ke yo ka bay vaksen booster a yon fwa oubyen petèt 2 fwa men ke se pa yon bagay ke nou panse yo ta dwe repete tout tan. Calveri di olye de sa, yo ta dwe bay booster a tankou yon vaksen moun pran chak ane pou grip.

Calveri se denye ekspè lasante ki dekouraje sistèm sante yo bay yon 4 triyèm vaksen, pou moun ki pran vaksen 2 doz kont COVID-19 nan kad efò pou bay plis proteksyon kont varyan kap parèt yo.

Ajans sekirite sanitè Grand Bretay la di semèn pase a pa gen nesesite pou moun pran tousuit yon katriyèm vaksen nan moman rejim booster ki gen kounye a bay bon nivo proteksyon.

Oganizasyon mondyal Lasante di plizyè fwa ke li pi enpòtan pou bay peyi pov yo premye doz vaksen pase booster peyi rich yo ap ofri a.

XS
SM
MD
LG