Accessibility links

Breaking News

Prezidan Trump di Etazini Dwe Genyen yon Sistèm Imigrasyon ki Baze Sou Merit


Prezidan Donald Trump pandan li tap fè premye diskou li sou Eta Inyon an nan Kongrè a. Capitol Hill nan Washington, 30 janvye 2018.

Nan diskou Prezidan Donald Trump fè sou eta inyon Etazini an, li mete anfaz sou refòm nan lwa imigrasyon Etazini yo. Li di nan plizyè ane ki pase yo drogè ak ganstè jwenn mwaye yo antre nan kominote amerikèn ki pi vilnerab yo paske frontyè a rete louvri. Li mande pou kongrè Etazini an bouche trou ki genyen nan lwa ki pèmèt gand MS-13 yo ak lòt kriminèl antre ozetazini.

Prezidan Trum deklare:”Nou pwopoze nouvo lejislasyon kap rann lwa imigrasyon nou yo pi anfòm, e kap apiye ajan kap veye frontyè nou yo e fè respekte lwa imigrasyon nou yo ak règleman la dwan yo. Lejislasyon nou pwopoze yo pral anpeche gang ak kriminèl antre nan komonite nou yo.”

Prezidan Etazini an fè konnen avan lontan, kongrè a pral fè yon vòt sou chanjman nan lwa imigrasyon yo. Li ajoute lè a rive pou Etazini gen règleman ki prevwa pou l aksepte imigran ki kalifye.

“Nan semèn kap vini yo sena a ak chanm depite a pral vote sou yon pwojè-lwa ki vize fè refòm nan imigrasyon. Li lè pou nou avanse nan direksyon yon sistèm imigrasyon ki baze sou merit, yon sistèm kap admèt imigran ki gen metye, ki vle travay, e ki vle pote kontribisyon yo nan avansman sosyete nou an.”

Prezidan Trump fini pa di nouvo sistèm imigrasyon Etazini an dwe admèt imigran kap renmen e respekte peyi nou an Etazini.

XS
SM
MD
LG