Accessibility links

Breaking News

Donald Trump Aksepte Nominasyon Li pou yon 2èm Manda kòm Prezidan Etazini d Amerik


Prezidan Donald Trump nan diskou kote li t ap aksekte nominasyon li kòm kandida Pati Repibliken an pou yon 2èm manda.

Prezidan Trump deklare: << Eleksyon novanm pwochen an pral deside si nou pran pozisiyon pou n defann “The Ameriiken Way of Life”, swa estil de vi Ameriken an, oubyen pito si nou pral pèmèt yon mouvman radikal derasin li totalman epi detrui fason de viv sa a. >>  

Prezidan Donald Trump te pran lapawòl nan La Mezon Blanch, nan Washington D.C., nan sware jounen jedi 27 doaut 2020 an, denye nan 4 jou dewoulman Konvansyon Nasyonal Pati Repibliken an, pou l te asepte kominasyon li pou yon 2èm manda kòm Prezidan Lezetazini d Amerik. Nan diskouli fen en sikkonsatans la, li deckare:

<< Eleksyon novanm pwochen an pral deside si nou pran pozisiyon pou n defann “The Ameriiken Way of Life”, swa estil de vi Ameriken an, oubyen pito si nou pral pèmèt yon mouvman radikal derasin li totalman epi detrui fason de viv sa a. >>

Misye Trump, k ap fè fas ak kèk gwo defi advèsè demokrat li a e ansyen Vis Prezidan Joe Biden mete devan l, te kontinye pale devan yon gwo foul moun ki te reyini sou gazon sid Lamezon Blanch la pou l di:

“ Se eleksyon ki pi enpòtan nan tout istwa peyi a. ”

Plis pase 1500 moun te reyini sou gazon sid Lamezoon Blanch la pou yo te asiste dènye sware Konvansyon Nasyonal Pati Repibliken an.
Plis pase 1500 moun te reyini sou gazon sid Lamezoon Blanch la pou yo te asiste dènye sware Konvansyon Nasyonal Pati Repibliken an.

Asistans la te gen ladan n plis pase mil 500 moun (pami yo te genyen kèk manm repibliken Kongrè a). Yo youn te chita lole-kole avèk lòt e pi fò nan yo pa t genyen mask nan figi yo -sa ki reprezante yon vyolasyon kont yon konsèy sou sante piblik nan moman peyi a twouve l nan mitan pandemi kowonaviris la.

Prezidan an plas la -ki dèyè Joe Biden nan sondaj yo e ki, dapre etid ki fèt nan eta ki toujou enpòtan pou rezilta eleksyon an, twouve li dèyè tou nan entensyon vòt yo nan eta sa yo- te sèvi avèk pi gwo pati nan diskou li a pou l lanse kèk gwo atak kont opozan demokrat li a; nan yon pwen menm, li te denonse Misye Biden kòm yon espyon degize ki o-sèvis redikal de goch yo ak anachis ki vle detrui Lèzetazini.

XS
SM
MD
LG