Accessibility links

Breaking News

Trump-Imigrasyon: Peyi Botswana, Ayiti ak Afrik di Sid, Antwòt, Konvoke Diplomat Ameriken pou Eksplikasyon


Prezidan Donald Trump ki t ap bay yon konferans pou laprès nan La Mezon Blanch nan Washington, nan dat 10 janvye 2018 la.

Afrik di Sid se dènye peyi jiskaprezan kote otorite yo konvoke yon diplomat ameriken pou mande l eksplikasyon sou deklarasyon Prezidan Donald Trump ta fè e ki, daprè laprès, se deklarasyon vilgè ki manke imigran ayisyen ak afriken dega.

Misye Trump te bay manm kongrè ameriken an yon gwo sezisman nan yon rankont sou imigrasyon ki te dewoule sa pa gen lontan nan La Mezon Blanch kote, daprè divès temwayaj, prezidan an ta mande: “Poukisa pou nou kite tout moun sa yo kap sòti nan peyi plen salte konsa antre isit.?”

Daprè nouvèl yo toujou, Prezidan Trump deklare sèvis imigrasyon ameriken ta dwe kite antre Ozetazini pito moun kap sòti nan peyi tankou Nòvèj. Majorite popilasyon an nan peyi Nòvèj se blan, tandiske moun peyi afriken yo ak Ayiti se moun nwa pou pi fò.

Nan deklarasyon òganizasyon entènasyonal ak nasyonal pibliye, yo fè konnen yo gen gwo kè-sote, paske yo panse Lèzetazini ak lidè li a monte sou yon chemen rasis. Prezidan Trump demanti pawòl kòmkwa li se yon rasis e li ensiste pou l di se pa vre, li pat fè okenn deklasyon vilgè.

Prezidan Trump ki t ap pale ak laprès nan Klib Gòlf Entènatsyonal Trump la nan West Palm Beach, Eta Florid, dimanch 14 janvye 2018 la. (Foto: AFP PHOTO / Nicholas Kamm).
Prezidan Trump ki t ap pale ak laprès nan Klib Gòlf Entènatsyonal Trump la nan West Palm Beach, Eta Florid, dimanch 14 janvye 2018 la. (Foto: AFP PHOTO / Nicholas Kamm).

Nan Afrik di Sid, ofisyèl yo nan Depatman Relasyon ak Kowoperasyon Entènasyonal (DIRCO) te gen pou yo pale, nan jounen lendi 15 janvye 2018 la, avèk 2èm otorite anbasad amerikèn nan nan Pretoria pou l bay eksplikasyon sou deklarasyon Prezidan Trump yo. Nan yon nòt depatman an pibliye, li di: “Relasyon ant Afrik di Sid avèk Lèzetazini, epi ant rès kontinan afriken an avèk Lèzetazini, dwe repoze sou respè ak konpreyansyon resipwòk.”

Yon lòt kote, Depatman Deta a fè konnen diplomat ameriken nan peyi d Ayiti ak Botswana, yo menm tou, resevwa konvokasyon pou yo bay otorite yo eksplikasyon sou deklarasyon Prezidan Trump yo.

XS
SM
MD
LG