Accessibility links

Etazini: Epesyalis yo Prevwa Pasaj Siklòn Harvey Kapab Lakoz Gwo Dezas o Tegzas

  • Ekip Sèvis Kreyòl VOA

Matt Looingvill ap goumen ak parapli li pandan lap eseye mache anba van ak lapli siklòn Harvey pote nan Tegzas, jounen 25 out 2017 la. Corpus Christi, Tegzas.

Espesyalis tan yo di Siklòn Harvey pran fòs nan moman lap travèse Gòlf Meksik la e lap vanse nan direksyon kot Eta Tegzas Ozetazini.

Espesyalis Meteo Etazini yo di Harvey pral tounen yon manman Ouragan ditan pou l touche tè byen ta vandredi 25 out 2017 la. Li pote ak li van ki deja ap soufle a 177 kilomèt a lè, jis tou prè nivo pou l kalifye kòm yon ouragan kategori 3.

Van siklòn nan ap pote ak li a ka depase 200 kilomèt a lè. Chèf ajans federal dijans Etazini an bay avetisman pou l di, “Gen yon gwo dezas ki prèske frape Tegzas.” Harvey ka lage preske 100 santimèt lapli sou yon gran pati sou kot eta Tegzas nan 3 jou kap vini yo.

XS
SM
MD
LG