Accessibility links

Breaking News

Tenis Entènasyonal : Naomi Osaka Ranpòte Tounwa Open Ostralyen an, Edisyon 2021 an


Naomi Osaka, japonèz d orijin ayisyèn, kenbe twofe Koup Memoryal Daphne Akhurst la aprè viktwa li nan final Open ostralyen an sou amerikèn Jennifer Brady pou l ranpòte final tounwa senple dam nan, nan Melbourne samdi 20 fevriye 2021 an. (Foto: David Gray/AFP)

Jwèz tenis nipo-ayisyèn, Naomi Osaka, nimewo 3 mondyal ki gen 23 zan, ranpòte Open ostralyen an pou la 2èm fwa, samdi 20 fevriye 2021 an, aprè yon viktwa an final e an 2 set (6-4, 6-3) devan amerikèn Jennifer Brady ki gen 25 lane e ki okipe 22èm plas nan klasman mondyal la. Remake se sou menm skò sa a, set envèse (6-3 e 6-4), Naomi te elimine, 2 jou anvan sa, amerikèn Serena Williams nan youn nan 2 match semi-final yo. Gwo derby sa a ant Serena ak Naomi ap rete grave lontan nan memwa jwèz veteran amerikèn nan ki te espere ranpòte 24èm tit chanpyò​n li nan Open ostralyen, edisyon 2021 an, pou l egalize yon rekò Margaret Court te tabli.

Naomi Osaka (adwat) e Jennifer Brady. (Foto: TENNIS-AUSOPEN).
Naomi Osaka (adwat) e Jennifer Brady. (Foto: TENNIS-AUSOPEN).

Sa fè 4èm tit Gran Chelem Naomi Osaka ranpòte nan jenn karyè li ki te kòmanse an 2018 lè l te genyen 19 lane. Final Open ostralyen 2021 an te dewoule nan stad Melbourne Park.

XS
SM
MD
LG