Accessibility links

Breaking News

Etazini-Super Bowl: Philadelphia Eagles Ranpòte 52èm Edisyon Chanpyona Nasyonal la

  • Ekip Sèvis Kreyòl VOA

Ekip Philadelphia Eagles ak New England Patriot ki tap twoke kòn yo dimanch 4 fevriye 2018 la nan Mach Super Bowl, final pou tit chanpyon an nan Minneapolis, eta Minnesota. Eatazini, (Foto: AP /Matt Rourke)

Ekip foutbòl zepol kare ameriken Philadelphia Eagles moun pat konsidere kòm favori nan match final pou tit champion dimanch 4 fevriye 2018 la kale New England Patriots nan vil Minneapolis, eta Minnesota, pou l ranpòte 52èm edisyon Chanpyona Nasyonal sila a.

Konsa, Philadelphia Eagles vin tounen nouvo chanpyon foutbòl ameriken an pou ane 2018 la.Viktwa a sa a bay ekip Eagles la ki reprezante konferans foutbòl nasyonal la, premye chanpyona yo janm genyen nan tout istwa ekip la, apre yo te finn patisipe 2 fwa deja nan yon final.

Libewo ekip Eagles la, ki te yon senp ranplasan pou ane sa a jiskaske titilè plas li a Carson Wentz te sibi yon blesi nan jenou nan 14èm, te jwenn tit jwè ki pi enpòtan an, kote li fè 3 gòl ke yo rele touchdown nan stil foutbol zepol kare a, mete ak yon lot gòl li te ede Zack Ertz make nan 4èm faz match la, yon bagay kite pèmèt Philadelphia Eagles asire viktwa li tout bon vre.

XS
SM
MD
LG