Accessibility links

Breaking News

Ajans Standard & Poor Menase Pou l Diminye Nivo Kredi Plizyè Peyi Ewopeyen


Ajans evalyasyon kredi Standard & Poor menase pou l redui nivo kredi peyi ewopeyen ki chaje ak dèt e ki pare pou resevwa lajan sovtaj ekonomik.

Ajans la lanse avètisman sa a apre li finn plase 15 pami 17 peyi nan zòn ewo a, pami yo Lafrans ak Lalmay sou yon li siveyans negativ.

Responsab nan ajans la di yo pral tann 90 jou pou konnen si wi ou non yo ta dwe diminye youn ou de pwen sou kredi peyi sa yo, sètadi ogmante to enterè nasyon sa yo dwe peye pou lajan yap prete.

Antouka, Standard & Poor di li pral fè evalyasyon sa a sou chak peyi zòn ewo a endividyèlman. Responsab ajans la di nan yon konferans deprès nan vil Frankfort, ann Almay, li aji konsa paske kèk peyi sou kontinan an pran twòp tan pou reyaji sou kriz dèt ewopeyèn nan.

XS
SM
MD
LG