Accessibility links

Sòlda yo Kontinye yon Operasyon Sere-Boulon nan Siri

  • VOA Nouvèl

Obsèvatwa Siryen pou Dwamoun di sòlda yo fè kèk desant-de-lye e yo poze plizyè arestasyon nan Houla, ki twouve l sou yon ti distans ak vil Homs. ( Foto AP )

Militan dwa-moun fè konnen manm fòs sekirite Siri –ki te genyen apui gwo machin blende- antre nan vil Houla nan moman yon operasyon sere-boulon ki fè anpil san koule ap kontinye pou yon 3èm jou nan Latakia, yon vil ki bay sou lanmè.

Obsèvatwa Siryen pou Dwamoun di sòlda yo fè kèk desant-de-lye e yo poze plizyè arestasyon nan Houla, ki twouve l sou yon ti distans ak vil Homs. Pandansetan, militan ak temwen fè konnen sòlda yo kontinye yon operasyon sere-boulon nan vil Latakia kont opozan rejim Prezidan Bashar al-Assad la.

Daprè memm sous yo, 26 moun pou pi piti mouri nan 2 jou ki sot pase yo (donk, samdi ak dimanch) pandan lamarinn de gè siryèn te ouvè kout-zam sou vil la, tandiske sòlda ki te sou tank ak machin blende t ap tire kout mitrayèz sou zòn ki bay sou kòt yo.

XS
SM
MD
LG