Accessibility links

Breaking News

Lèzetazini, Lagrann Bretay ak Lafrans di Yo "Kokobe Pwogram Zam Chimik Siri a"


Ajans nouvèl ofisyèl siryen an, SANA, pibliye foto sa a ki montre dega ki fèt nan Sant Rechèch Syantifik Siryen an ki kraze nan atak aviyasyon militè Lèzetazini, La Grann Bretay ak Lafrans lanse pou yo pini Prezidan Bashar al-Assad poutèt yo sispèk li te lanse atak ak zam chimik sou popilasyon sivil la nan Siri.

Yon kowalisyon Lèzetazini ap dirije kwè li rive voye yon mesaj puisan bay gouvènman siryen an ak sila yo k ap apiye li, aprè yon atak miltiè ki frape sistèm defans peyi a nan yon pwen kote li domaje epin dòsal (so rèl-do) pwogram zam chimik siryen an.

Lèzetazini, Lagrann Bretay ak Lafrans lanse yon seri de frap sou Siri nan kòmansman jounen samdi 14 avril la (lè Siri) kote, nan yon espas de kèk minit sèlman, yo te tire 105 misil sou 3 enstalasyon zam chimik: youn nan kapital la, Damas, epi 2 lòt tou prè vil Homs, pa lwen fwontyè peyi a avèk pati nò Liban.

Otorite militè ameriken yo fè konnen, daprè yon evalyasyon preliminè, tout misil yo rive frape obekjtif yo, kote yo redui enstalasyon yo an debri nèt epi yo pa fè okenn viktim pami popilasyon sivil la. Lyetnan-Kolonèl Kenneth McKenzie, ki t ap pale samdi ak jounalis ki baze nan Pentagòn nan, deklare: "Nou pike mitan kè pwogram zam chimik siryen an; se yon gwo-kokenn-chenn kou yo pran la a."

Prensipal pòtpawòl Pentagòn nan, Dana W. White (agoch), ak Lyetnan-Kolonèl Kennethj F. McKenzie, Jr. (Kò Mèrin nan), direktè pèsonèl Pentagòn nan, pandan yo t ap pale ak laprès samdi 14 avril 2018 la sou atak ki fèt sou Siri a. (Foto: AP/Alex Brandon).
Prensipal pòtpawòl Pentagòn nan, Dana W. White (agoch), ak Lyetnan-Kolonèl Kennethj F. McKenzie, Jr. (Kò Mèrin nan), direktè pèsonèl Pentagòn nan, pandan yo t ap pale ak laprès samdi 14 avril 2018 la sou atak ki fèt sou Siri a. (Foto: AP/Alex Brandon).

Bò kote pa li, Vis Prezidan Mike Pence, ki t ap abòde dosye a pou laprès pandan li t ap patisipe nan Somè Dèzamerik la nan Pewou, deklare,

"Nou kwè operasyon sa a rive diminye seryzman, si li pa kokobe, kapasite rejim Damas la pou l pwodui zam chimik. E, pou m pale klèman, kite m di Lèzetazini pare tou pou l pran plis aksyon, yon fason solid e dyanm, pou l garanti ke Siri fin pa konprann byen li pral sibi gwo konsekans si l janm itilize zam chimik ankò."

Anfen, Prezidan Trump ekri deklarasyon sa a sou kont Twitter li samdi :

<< Yè-swa nou lanse yon frap ki dewoule pafètman byen. Nou pa te ka genyen yon rezilta ki pi bon pase sa. Misyon akonpli. >>

XS
SM
MD
LG