Accessibility links

Breaking News

Siklòn Irèn fè 40 Mò pou pi piti Ozetazini ak Kanada


Siklòn Irèn fè 40 Mò pou pi piti Ozetazini ak Kanada
Siklòn Irèn fè 40 Mò pou pi piti Ozetazini ak Kanada

Moun k ap viv sou kòt Es Lèzetazini kontinye lite anba inondasyon ak blakawout yo pat janm wè anvan apre pasaj siklòn Irèn ki fè anpil mò nan peyi a. Move tan an ki te touche tè vandredi pase a nan eta Kawolin di Nò, sou kòt Atlantik Lèzetazini, touye omwen 40 moun nan peyi sa a ak o Kanada.

Craig Fugate se Administratè FEMA, ajans federal kontwòl dijans Lèzetazini. Li deklare:

"Nou wè inondasyon moun pa t janm wè anvan nan Eta Vermont; inondasyon moun pa t janm wè anvan nan Eta Nouyok. Gen flèv ki debòde kouran yo e ki poko retounen nan plas yo. Sant previzyon meteyo yo di kèk flèv ki nan pati nòdès peyi a ap pran 2 ou 3 jou ankò pou yo retounen nan kouran yo; kidonk, nou poko ka konnen kantite total dega Irèn koze."

Konpayi elektrik yo di sa ka pran plis pase yon semèn ankò anvan pou yo retabli kouran an pou anpil kay prive ak biznis ki san elektrisite toujou apre pasaj move tan an -anviown 5 milyon kay ak biznis twouve yo nan sitiyasyon sa a.

XS
SM
MD
LG