Accessibility links

Breaking News

Serge Gilles Doute Eleksyon yo Ka Dewoule an Novanm


Yon lidè politik ki pap patisipe nan eleksyon yo fè konnen li enposib pou enstitisyon elektoral la respekte dat 28 novanm nan pou rezon teknik.

Lidè n ap pale a, Serge Gilles, fè konnen difikilte teknik e lojistik yo tèlman anpil, tèlman gwo e konplike, li pa posib pou Konsèy Elektoral Pwovizwa a respekte kalandriye li fikse a. Mesye Gilles site tou espesyalman le fèt ke gen plizyè dizèn milye elektè ki deplase e pa gen mwayen pou KEP a konnen kote moun sa yo ye.

Daprè li, si pou eleksyon yo dewoule yon fason serye responsab yo dwe pran faktè nou sot site la yo an konsiderasyon, dotan plis ke geneyn obsèvatè k ap siv pwosesis la.

Yon lòt kote, nan Vale Atibonit la, yon asosyasyon peyizan fè konpliman pou travay FAO (Oganizasyon Nasyonzini Pou Manje ak Agrikilti) reyalize nan kad efò k ap fèt pou rebwaze depatman an.

Soul Il La Gonav, yon lidè AZAK kritike gouvènman an poutèt n ap site: "li pa fè anyen pou l soulaje mizè pèp ayisyen an."

Nan Plato Santral la, branch OPL nan Mirbalè di, nan moman peyi a ap travèse kriz aprè kriz, li pa kwè KEP a kapab òganize bon jan eleksyon.

Anfen nan vil O Kay, ajan antidwòg ameriken ak ayisyen arete yon otorite la jistis ak yon anplwaye ONA poutèt yo ta mele nan trafik dwòg. Sepandan yon militan dwa moun kritike fason arestasyon ofisyèl lajistis la fèt la.

Korespondan nou yo atravè Ayiti devlope nouvèl sa yo pou nou.

Klike sou ikòn MP3 ki anwo e adwat atik sa a pou w koute repòtaj VOA kreyòl pou jounen 11 out 2010 la

XS
SM
MD
LG