Accessibility links

Senatè Moïse Jean-Charles Akize Prezidan Michel Martelly Deske li Genyen Plis ke yon Nasyonalite

  • VOA Nouvèl

Youn nan pwen k ap domine aktyalite a ann Ayiti, se deklarasyon Senatè Moïse Jean-Charles fè pou l di Prezidan Michel Joseph Martelly gen doub nasyonalite; daprè senatè a, menm sitiyasyon an prezante tou pou twa (3) manm kabinè ministeryèl la.

Pou Lavwadlamerik konnen pozisyon gouvènman ayisyen an sou dosye cho sa a, li pran kontak ak Minis Ralph Théano, responsab lyezon ant palman ak Pouvwa Egzekitif la. Anfen, pwofesè Sauveur Pierre-Etienne, lidè OPL (Òganizasyon Pèp k ap Lite) atire atansyon sou karaktè serye e menm grav akizasyon k ap peze sou do Prezidan ayisyen an.

Misye Pierre-Etienne reyaji pou l di misye Jean-Charles se pa « yon senp sitwayen; li se yon Senatè de la Repiblik. » Daprè lidè OPL la, si palmantè a pwouve akizasyon li yo, sa kapab genyen konsekans grav pou otorite konsène yo. Si li pa ka pwouve yo, akize yo kapab « rele misye Jean-Charles devan lajistis pou difamasyon ».

Klike sou 3 lyen ki anlè yo, adwat, pou w koute 1) yon entèvyou Senatè Moïse Jean-Charles avèk Lyonel Desmarattes ; 2) yon entèvyou Jean Robert Philippe avèk Minis Ralph Théano ; 3) deklarasyon pwofesè Sauveur Pierre-Etienne nan mikwo korespondan VOA nan Orlando, Florid, Yves Mompremier.

XS
SM
MD
LG