Accessibility links

Sekretè Deta Clinton Prezan nan Somè Peyi-Manm ASEAN yo

  • VOA Nouvèl

Sekretè deta ameriken an, Hillary Clinton nan Somè Peyi-Manm ASEAN yo

Sekretè deta ameriken an, Hillary Clinton, byen resevwa yon pwojè-akò ant Lachinn ak peyi manm Asosyasyon Eta Azi di Sud-Ès-yo (ASEAN ou ANASE) –yon akò k ap chache elimine tansyon ki egziste ant peyi ki sitiye nan pati sid kontinan azyatik la akoz lizyè fwontyè maritime yo.

Chèf diplomasi amerikèn nan pale konsa nan moman Lachin ak peyi konsène yo ap pare pou yo fè yon rankont sou kesyon an. Yon lòt objektif rankont sa a se chache jwenn yon solisyon pou pwoblèm nikleyè Kore di Nò a. Lèzetazini gen pou l patisipe nan chita-tande sa yo.

Sekretè Deta Clinton di :

" Mwen ta renmen fè Lachin ak peyi manm ASEAN yo konpliman poutèt y ap travay sere-sere pou yo jwenn yon fason pou yo aplike règleman sou jan yon peyi dwe konpòte l nan rejyon Lanmè Azi di Sid la; e natirèlman nou pral diskite tou sou volonte nou tout genyen pou n wè lapè ak estabilite tabli sou Preskil Kore a."

Sekretè Deta Clinton pale konsa nan vil Bali, nan peyi Endonezi, kote somè anyèl peyi manm Asosayson Eta Azi di Sid-Ès yo ap dewoule. An fas Madam Clinton te genyen Minis Afè Etranjè Lachin nan, Yang Jiechi. Peken reklame pi gwo pòsyon an nan Lamè Azi Sid la kòm pati dlo tèritoryal li.

Yang Jiechi
Yang Jiechi

Minis Yang deklare :

“Mwen panse le fèt ke nou rive adopte kèk règleman sou dosye sa a, sa reprezante yon reyalizasyon enpòtan; sa pral ede nou tabli lapè, estabilite ak bon vwazinaj nan rejyon an, menm jan sa pral kreye kondisyon ki favorab pou n jere e rezoud kòmsadwa mezantant yo ak reklamasyon yo."

Nan menm okazyonan, Sekretè Deta Clinton lanse apèl bay Bimani pou l mande otorite peyi azyatik sa a lage prizonye politik yo.

XS
SM
MD
LG