Accessibility links

Sekretè Deta Ameriken an Pale Sou Piblikasyon Dokiman Diplomatik Sekrè Lèzetazini

  • J. Lyonel Desmarattes

Sekretè Deta Hillary Rodham Clinton

Lèzetazini kondane sit entènèt WIKILEAKS poutèt li pibliye plis pase 250 mil dokiman diplomatik sekrè ki anbarasan pou gouvènman ameriken an.

Sekretè deta Hillary Clinton -ki abòde kesyon an lendi 29 novanm 2010 la nan Depatman Deta a-- fè konnen piblikasyon sa a se yon atak sou enterè politik etranjè Lèzetazini ak enterè kominote entènasyonal la.

Madam Clinton di: "Kite nou pale klè pou n di piblikasyon sa a reprezante non sèlman yon atak kont enterè politik entènasyonal Lèzetazini, men tou, se yon atak sou kominote entènasyonal la, sou alyans ak asosyasyon li yo, sou konvèsasyon ak negosyasyon ki pwoteje sekirite mondyal la, e ki pèmèt plis pwogrè ekonomik.

Daprè Madam Clinton toujou, Lèzetazini pral pase a laksyon gresivman pou moun ki responsab piblikasyon sa a resevwa pinisyon ki nesesè yo, menm jan l ap pran dispozisyon pou l asire ke fuit konsa pa repete.

XS
SM
MD
LG