Accessibility links

Breaking News

Lèzetazini Deside Ekspilse Plizyè Douzèn Diplomat Peyi Larisi


Yon drapo ris kap flote devan Konsila Jeneral Federasyon Ris la nan Manhattan, New York City, lendi 26 mas 2018 la.

Lèzetazini deside ekspilse plizyè douzèn diplomat peyi Larisi kòm yon reyaksyon pou atak ak pwodui chimik Larisi ta lanse pou anpwazonnen yon ansyen ajan sekrè ris sou tèritwa britanik la. La Mezon Blanch fè anons la nan mitan matine lendi 26 mas 2018 la. Moskou tonbe akizasyon deske se li ki responsab atak kont ansyen espyon ris la.

Nan yon nòt La Mezon Blanch pibliye, li di: "...Lèzetazini pran aksyon sa a nan moman alye li yo nan l'OTAN ak lòt patnè atravè lemond pran menm desizyon an kont Larisi poutèt li itilize sou tè britanik la pwazon chimik ki ka sèvi kòm zam militè. Atak sa a se youn nan aktivite tipik Larisi ap mennen pou l simaye enstabilite nan lemond."

Yo te jwenn ansyen espyon ris Sergei Skripal ak yon pitit fi li, Yulia, san konesans sou ban yon plas piblik nan vil britanik Salisbury, e yo te kouri avèk yo lopital kote yo twouve yo nan yon sitiyasyon grav.

XS
SM
MD
LG