Accessibility links

Reyaksyon Sou Tansyon Ant 2 Kore yo

  • J. Lyonel Desmarattes

Reyaksyon soti sou egzèsis Lame Kore di Sid ak Lèzetazini fè ansanm nan Lanmè Jòn nan ki sou kòt 2 Kore yo. Lachin lanse apèl pou l mande tout pati konsène yo pa pwovoke plis tansyon nan rejyon an nan moman 2 lame yo ap mete fen nan egzèsis sa yo ki te kòmanse dimanch pase a.

Peken lanse apèl sa a aprè Kore di Sid anonse l ap negosye ak Washington pou wè si egzèsis militè tankou sa ki te fèt ak lame amerikèn nan kapab dewoule ankò anvan lontan.

Ajans nouvèl sid koreyèn nan, Yonhap, site otorite nan wo eta majò lame a ki di egzèsis sa yo pral dewoule tou prè zile Daecheong, o sid preskil Kore a, pi presizeman nan pati lanmè a ki an diskisyon ant 2 Kore yo. Se sou zile sa menm 4 moun te mouri sa pa gen lontan, aprè Kore di Nò̈ te lanse yon atak ak gwo zam lou sou zòn nan.

XS
SM
MD
LG