Accessibility links

Sekretè Deta Rex Tillerson Twouve l nan Myanmar pou Rezoud Kriz Rohingya a

  • Ekip Sèvis Kreyòl VOA

Lidè Myanmar a, Aung San Suu Kyi, adwat, kap bay lamen pandan vizit Sekretè Deta Ameriken an rex Tillerson apre yon rankont ak laprès nan biwo minis afè etranjè a nan Naypyitaw, Myanmar, 15 novanm 2017.

Sekretè Deta ameriken an, Rex Tillerson, twouve li nan Myanmar pou abòde kriz mizilman Rohinga yo ak lidè de fakto peyi azyatik la, Aung San Suu Kyi, epi ak kòmandan militè a.

Yon titan apre Mesye Tillerson fin debake nan kapital Myanmar la, Nyapitaw, li rankontre ak chèf deta majò Min Aung Haing, ki alatèt sòlda moun akize kòmkwa yo ta dekrete yon kanpay ratibwazay nan vilaj Rakkine , nan rejyon nòdwès peyi.

Pandan yon konferans deprès tou kout konjwen ak madanm Aung San Suu Kji Mesye Tillerson sijere pou yo mennen yon ankèt endepandan sou mizilman Rohingya yo.

Sekretè Deta ameriken an deklare: "Kriz eta Rakhine ap kontwonte jounen jodi a a se youn nan pi gwo defi Myanmar gen pou l leve depi yo te eli yon nouvo gouvènman nan peyi a ane pase . Nou gen gwo ke sote konsenan zaka atrosite fos sekirite ap komet nan peyi a."

Kanpay sa a, se swadizan yon repons kif-kif pou atak militan Rohinga te lanse sou kèk pòs polis nan mwa out pase a. Konsa, plis pase 600 mil muzulman Rohinga lage kò yo nan peyi Bangladesh ki toupre a, e dapre sa yo di organizasyon dwazimen yo fòs sekirite gouvènmantal komèt gwo zak atwosite sou yo.

XS
SM
MD
LG