Accessibility links

Breaking News

Prezidan Trump di: "Si Jenn Imigran yo Gen Rèv, Sitwayen Ameriken yo Gen Rèv Tou"


Trump
Prezidan Donald Trump lanse avètisman, nan jounen jedi premye fevriye 2018 la, bay manm Repibliken Kongrè a pou l di yo pa presye konsidere plizyè santèn jenn imigran ki sou depòtasyon kòm moun ki dèyè "rèv ameriken an", jan avoka imigran sa yo vle fè moun kwè sa pandan y ap eseye pwoteje jenn sa yo kont depòtasyon.
Pandan Prezidan Trump te pran lapawòl nan yon sit touristik nan Eta Vijini Oksidantal kote yon gwoup plamantè repibliken ap fè yon retrèt, li deklare: "Gen moun ki rele yo "Jenn ki gen yon Rèv"; ebyen, daprè mwen, yo pa gen pyès rèv. Pinga nou kite yo pran nou nan pyèj sa a. Nou gen moun ki gen gwo rèv tou nan peyi sa a. Nou pa ka bliye moun pa nou yo avèk rèv yo."
Lokal Kongrè ameriken an nan Washington (Foto Achiv).
Lokal Kongrè ameriken an nan Washington (Foto Achiv).
Lidè ameriken an fè konnen li espere 2 pati yo nan Kongrè a va rive jwenn yon antant pou yo pwoteje kont depòtasyon preske 2 milyon jenn imigran ki benefisye yon pwogram ansyen Prezidan Barack Obama te kreye; sepandan prezidan an akize Demokrat yo deske yap politize kèk kesyon ki lye ak domèn imigrasyon an, alòske yo pa fè okenn efò serye pou yo rezoud pwoblèm sa yo.
XS
SM
MD
LG