Accessibility links

Breaking News

Ayiti-18 Novanm 2018: Lapolis ak Lopozisyon Bay Bilan Depaman sou Kantite Viktim Manifestasyon yo


Jounen 18 novanm 2018 la ann Ayiti. Moun k ap kouri pou gaz lakrimojèn lapolis lanse pou gaye yon foul manifestan.

Nan Peyi d Ayiti, otorite gouvènmantal yo avèk lidè opozisyon an prezante bilan depaman nan fen jounen 18 novanm 2018 la kote anpil manifestasyon dewoule nan peyi a, sitou nan kapital la, Pòtoprens. Daprè lapolis, kantite moun ki mouri yo se 6, tandiske 5 moun blese epi yo arete 23 moun.

Sepandan lidè sektè demokratik ak popilè yo, bò kote pa yo, fè konnen kalkil pa yo bay kòm bilan 11 moun mouri, 45 blese ak 75 arestasyon. Pòtpawòl polis la pale de yon mò nan vil Kap-Ayisyen. Youn nan lidè sektè demokratik la, Mèt André Michel, fè konnen avoka opozisyon an rive jwenn liberasyon yon dizèn moun.

Korespondan nou fè konnen te gen divès konfwontasyon ant fòs-de-lòd yo avèk manifestasyon nan divès vil –tankou Okay, Jakmèl ak Kap-Ayisyen. Lidè sektè demokratik ak popilè yo di fason jounen 18 novanm nan dewoule ba yo anpil sastisfaksyon e y ap prepare yon plan pou yon tranzisyon politik.

Otorite lapolis yo anonse yon konferans pou laprès pou fen matine jounen lendi 19 novanm 2018 la.

XS
SM
MD
LG