Accessibility links

Breaking News

Pwogram Pwotokol pou Pwoteksyon Imigran yo (MPP) Rekòmanse Depi 6 Desanm


Asylum seekers, under the Migrant Protection Protocols (MPP) program, wait at the Leona Vicario temporary migrant shelter, before being transferred to continue their asylum request in the United States, in Ciudad Juarez

Pwogram pwotokol pou Pwoteksyon imigran yo (MPP) rekòmanse depi lendi 6 Desanm nan youn pami 7 pò d'antre Etazini pataje ak Meksik.

Pwogram nan rekòmanse nan moman Meksik ap transfere nan lòt eta imigran ki rive sou fwontyè Sid peyi a. Espwa migran yo te genyen pou antre Ozetazini pran yon poz apre pwogram MPP a relanse lendi 6 Desanm nan.

Otorite ameriken yo gen plizyè opsyon ke yo kapab aplike pou Imigran ki vinn mande azil sou fwontyè peyi a pataje ak Meksik. Yo kapab itizile atik 42 lwa sanitè pou depòte imigran yo imedyatman, yo kapab mande yo all tann oMeksik ak yon dat pou prezante devan yon jij, yo kapab otorize yo antre nan peyi a ou byen mete yo nan prizon.

Otorite ameriken yo gen pou mande imigran yo si yo pè pou otorite Meksiken yo pa pouswiv yo an jistis ou byen tòtire yo avan yo enskri nan pwogram pou retounen o Meksik kote yon avoka ap asiste yo. Direktè Migrant Attention Centre, Arturo Valenzuela, deklare jodi a pwogram MPP a pral aplike pou moun otorite yo mete men sou yo Ozetazini.

Pou kounye a pa gen oken mekanis sou fason imigran yo kapab antre nan peyi a. Lwa Tit 42 a toujou ann aplikasyon ki vle di refoule imigran yo pou rezon sante piblik Ozetazini. Epi otorite yo ensiste pandemi an poko fini.

Imigran yo pap travèse pò dantre ameriken yo tankou jan sa te ye nan Paso Norte ou byen nan Pon Santa Fe a. Antonio Martinez ki se yon lòt imigran deklare pwogram MPP a se yon bon solisyon menm lè se yon pwosesis nou tout pa renmen. Nou dwe tann menm si sitiyasyon n ap viv la pa fasil. Men nou dwe tann si pa gen lòt opòtinite.

Sèlman pou ane fiskal la ki fini 30 Septanm 2021, administrasyon ameriken arete 1 milyon 700 mil imigran ki travèse fwontyè a san dokiman legal. Yo ekspilse prèske 2tyè pami yo baze sou atik 42 lwa sanitè a san yo pa gen chans prezante dosye yo devan yon jij.

Pandanstan nan vil Tapachula eta Chiapas ki nan Sid Meksik otorite yo ap akselere demach pou transfere imigran ki travèse fwontyè Gwatemala pou voye yo al viv lòt kote eksepte sou fwontyè Etazini pataje ak Meksik. Militant k ap defann imigran yo Luis Garcia Villagran deklare 32 bus pati kite vil la dimanch 5 desanm nan epi 70 lòt pati lendi 6 Desanm nan nan direksyon diferan.

Anbasadè Ayiti O Meksik Hugues Momplaisir Fequiere deklare sou Lavwadlamerik otorite Meksiken yo dakò pou imigran ayisyen rete nan peyi a. Pou kounye a imigran ki dakò pou al viv lòt kote resevwa yon viza imanitè valab pou 1an ann atandan yon dekrè prezidansyèl pou regularize estati yo.

XS
SM
MD
LG