Accessibility links

Depatman Sekirite Enteryè ap Falisite Transpò Fèt ant Lèzetazini ak Pòtoriko

  • Ekip Sèvis Kreyòl VOA

Teresa Cruz, yon volontè kap distribye manje bay vitim siklòn Maria yo nan Pòtoriko. (Foto: AP/Alan Diaz) 27 septanm 2017.

Ozetazini, Depatman Sekirite Enteryè a toujou ap anvizaje posiblite pou l pase sou kote yon règleman ki mete limit sou kantite pwovizyon yon bato ak avyon ka transpòte nan Pòtoriko kote siklòn koze gwo devastasyon.

Mèkredi 27 septanm 2017 la, Kongrè a voye bay depatman an yon lèt ki mande kanpe aplikasyon Lwa Jones nan, yon règleman ki di kijan transpò kago dwe fèt nan Pòtoriko; konsa, transpò materyèl ki nesesè pou rebati il la Siklòn Maria te devaste semèn pase a, ap pi fasil e pi rapid.

Pandan minis pwovizwa sekirite enteryè a, Elaine Duke, tap pale ak senatè yo nan menm jounen mèkredi a, li di miz-an-veyez règleman an se pa yon mwayen Kongrè a itilize fasilman. Depatman an te pran menm desizyon sa a nan le pase pou fè l vin mwen chè e pi fasil pou bato ak avyon etranje transpòte pwovizyon ak machandiz nan zòn dezas natirèl devaste.

Gad Nasyonal kap distribye manje ak dlo bay viktim siklòn Maria yo nan Pòtoriko, Foto: 24 septanm 2017.
Gad Nasyonal kap distribye manje ak dlo bay viktim siklòn Maria yo nan Pòtoriko, Foto: 24 septanm 2017.

Yon lòt kote, Prezidan Donald Trump ak manm gouvènman li a defann fason administrasyon an reponn devan sitiyasyon katastwofik ki devlope nan Pòtoriko apre pasaj plizyè gwo siklòn sou tètritwa a. Madi 26 septanm 2017 la, preske yon semèn apre dènye gwo siklòn twopikal la, Maria, te devaste Pòtoriko ak Il Vyèj ameriken yo, prezidan Trump deklare:

“Tou lè 2 teritwa yo kraze nèt; e lè m di kraze a, yo totalman kraze, devaste pandan pasaj Siklòn Maria. E nap fè tout sa n kapab pou n ede popilasyon nan tou 2 il yo ki pran gwo frap seryezman."

Misye Trump kontinye pou l di gouvènman li a ak lame amerikèn fè yon gwo kokenn efò pou yo ede viktim siklòn yo, epi:

“…moun kap viv sou 2 tèritwa ameriken sa yo byen konnen nap travay di-di pou yo e nou fè yon bon travay nan sans sa a."

Prezidan an pa pale dirèkteman de moun ki plennen pou di gouvènman li a pa aji vit ase pou l ede viktim yo sou zile ki frape yo, lè w konpare aksyon sa yo ak reyaksyon otorite yo apre siklòn te koze gwo dega nan Eta Tegzas ak Florid pi bonè nan mwa a.

XS
SM
MD
LG