Prezidan yemenit la, Ali Abdullah Saleh anonse li pa pral chache yon lòt manda sou pouvwa a nan moman gwoup opozisyon yo ap prepare pou yo renouvle manifestasyon pou mande yon fen nan gouvenman ni an ki gen plizyè dizén lane.
Mesye Saleh di palman Yemen nan li pa pral eseye pwolonje tan li sou pouvwa a lè manda l fini nan ane 2013 la e li pa pral remèt pouvwa a bay pitit li non plis tou. Gwoup opozisyon yo lanse apèl pou mande « Yon jounen Raj » jedi 4 fevriye 2011 la pou kontinye vag manifestasyon ke militan yo di yo jwen enspirasyon gras a manifestasyon ki dewoule nan Tunizi ak nan peyi Ejipt.