Accessibility links

Prezidan Ameriken an Felisite Premye Minis Irak la pou Viktwa li nan Mosoul

  • Ekip Sèvis Kreyòl VOA

Irakyen yo sou plas Tahrir a nan Baghdad, ap selebre viktwa lame peyi a, sou gwoup teworis Eta Islamik la nan Mosoul, Irak, 10 jiyè 2017.

Prezidan Donald Trump prezante felisitasyon l bay premye minis Irak la, Haider Al-Abadi, ansanm ak sòlda irakyen yo deske yo libere vil Mosoul anba men militan gwoup eta islamik la.

Lamezon blanch pibliye yon kominike, kote Prezidan Trump di defèt gwoup islamik la nan Mosoul, se yon siyal ki montre Dayèch pa gen anpil jou ki rete anvan li bay legen nan Irak ak nan Siri. Lokatè Mezon Blanch la kontinye pou l di li pral rapousuiv eliminasyon gwoup la nèt al kole.

Mesye Trump di tou Lèzetazini santi yon tristès deske plizyè milye irakyen sibi soufrans oubyen mouri anba men Dayèch. Kominike a pale tou de solda ewoyik Peshmerga kurd yo ki bay lavi yo pou defann vil la.

Premye Minis Haier Al-Abadi te fè yon diskou sou televizyon nasyonal peyi a pou l di viktwa sa a, se yon viktwa nou ranpòte sou zak britalite ak zak latèrè.

XS
SM
MD
LG