Accessibility links

Breaking News

Prezidan Trump Estime Òganizasyon Mondyal Lasante, OMS, Pa Fè yon Bon Travay nan Kad Pandemi Kowonaviris la


Foto konbinezon ki montre Prezidan Ameriken an Donald Trump, adwat, ak Direktè Jeneral OMS la, Tedros Adhanom, agoch.

Prezidan ameriken an, Donald Trump, deklare Lèzetazini deside bloke lajan li abitye bay pou finanse aktivite OMS (Oganizasyon Mondyal Lasante) paske, dapre li, OMS pa fè yon bon travay ditou sou dosye KOVID-19 la, maladi kowonaviris la bay la.

Misye Trump ak manm administrasyon l nan akize ajans entènasyonal la deske li fè pati-pri anfavè Lachin, peyi kote pandemi kowonaviris la te eklate pou la premye fwa nan fen mwa desanm 2019 la. Sekretè Deta ameriken an, Mike Pompeo, ki te kanpe bò kote prezidan an nan sal pwendeprès Mezon Blanch la mekredi 8 avril la, ansanm avèk manm komisyon espesyal ki fòme pou lite kont kowonaviris la, deklare:

“Oganizasyon Mondyal Lasante pa reyalize sa li te sipoze reyalize. Pou sa ki konsène finansman nou pou OMS, nou pral reevalye sitiyasoyn an.”

Prezidan Trump fè konnen gouvènman l nan pral fè yon etid sou Oganiizasyon Mondyal Lasante anvan li pran yon desizyon sou kesyon pou konnen kijan li va finance OMS nan lavni. Kontribisyon Lèzetazini pou ajans entènasyonal la se yon total plizyè milyon dola pa ane.

XS
SM
MD
LG