Accessibility links

Breaking News

Prezidan Obama Reyaji Sou Dènye Deklarasyon Prezidan Ejipsyen an


Prezidan Obama Reyaji Sou Dènye Deklarasyon Prezidan Ejipsyen an

Dirijan peyi Lèzetazini ak Lafrans lanse apèl bay Lejipt pou l fè yon transfè pouvwa rapid e nan lapè aprè Prezidan Mubarack fin pale pou l di li pa prale dèyè yon lòt manda.

Prezidan fransè a, Nikolas Sarkozy –ki abòde dosye a mèkredi 2 fevriye 2011 la—di li ta renmen wè pwosesis transfè a kòmanse –nap site : « san reta e san vyolans ». Misye Sarkozi pale konsa aprè prezidan ameriken an, Barack Obama, te fè konnen li pale ak Prezidan Mubarack e li di misye: "Pwosesis tranzisyon an dwe fèt nan lapè e li dwe kòmanse kounyela a menm". Nan yon mesaj misye Obama prezante madi swa (1er fevriye 2011 la) nan televizyon, li di: "Tranzisyon sa a dwe debouche sou eleksyon lib e onèt nan peyi Lejipt, epi sou enstalasyon yon gouvènman demokratik, ki la pou satisfè aspirasyon pèp ejipsyen an. "

Prezidan Obama kontinye pou l di : "Menm si se pa wòl Lèzetazini pou l chwazi lidè pèp ejipsyen an pou li, mwen fè misye Mubarack konnen chanjman ki pou fèt la dwe gen ladan –n yon bon jan reprezantasyon divès pati opozisyon an nan ekip ki pral dirije peyi a. "

Daprè misye Obama, Prezidan Hosni Mubarack rekonèt sitiyasyon an --jan l prezante jounen jodiya ann Ejipt, sa yo rele stati quo a-- pa kapab kontinye, e bagay yo fèt pou chanje.

Prezidan Obama te pale ak misye Mubarack yon ti tan aprè televizyon te montre lidè ejipsyen an ki tap pale pou l di li pa prale dèyè yon lòt manda nan eleksyon prezidansyèl ki fiske pou mwa septanm 2011 la.

XS
SM
MD
LG