Accessibility links

Prezidan Obama Pale Devan Asanble Jeneral Nasyonzini An

  • Jean Robert Philippe

Prezidan ameriken an, Barack Obama, ki pran lapawòl jedi 23 septanm 2010 la devan Asanble Jeneral Nasyon zini an, deklare sanksyon Nasyonzini adopte kont peyi Iran ane sa a ---akoz pwogram nikleyè li a ki pwovoke gwo pawòl anpil-- montre lwa entènasyonal pa repezante yon pwomès vid. Misye Obama pale konsa aprè li te fè konnen se tout peyi ki prezan nan sesyon anyèl Asanble jeneral l’ONU-an ki dwe mete ansanm pou yo fè fas ak defi ki poze jounen jodiya nan lemond.

Prezidan Obama di: "Nou konnen epòk n ap viv la, se pa yon epòk òdinè pou pèp nou yo. Nou chak ki vini la a, vini ak pwòp pwoblèm pa li, ak pwòp priyorite pa l; men tou, genyen defi ke nou tout dwe konfwonte ansanm kom lidè e kom nasyon."

Lidè ameriken an te genyen yon mo espesyal pou peyi ki sibi gwo devastasyon aprè yo te viktim dezas natirèl tankou inondasyon avèk tranblemanntè.

Prezidan Obama Pale Devan Asanble Jeneral Nasyonzini An
Prezidan Obama Pale Devan Asanble Jeneral Nasyonzini An

Li kontinye pou l di: "Lèzetazini pran responsablite ki mache ak puisans nou genyen an. Depi lapli te tonbe pou pwovoke gwo inondasyon nan Pakistan, nou pran angajman pou n pote asistans nou ba peyi sa a, e nou tout dwe apiye pèp pakistanè a nan moman l ap rekanpe sou pye l pou l renbati peyi li. Epi tou, aprè tranblemanntè a te frape Ayiti --yon peyi ki te sibi anpil devastasyon lè sa a--, nou te antre nan yon kowalisyon divès nasyon pou n te pase alaksyon. Jounen jodiya, nou onore sila yo ki te fè pati lafanmi LONU an ki te pèdi lavi yo nan tranblenmanntè a, e nou pran angajman pou n rete kanpe ak pèp ayisyen an jiskaske li va kapab kanpe sou 2 pye l pou kont li."

Pou sa ki gen rapò ak Mwayen Orayan an –é pi presizeman ak negosyasyon lapè ant Izrayelyen ak palestinyen yo-- misye Obama fè konnen palestinyen yo ap janm konnen sa k rele fyerte ak diyite tout bon, toutotan yo pa genyen yon eta endepandan ki rele yo chè mèt, chè mètrès.

Nou chak genyen yon chwa pou nou fè, e nou tout dwe chwazi chemen lapè a. Responsablite sa a kòmanse ak pati konsène yo yo menm, ki dwe mete yo dakò pou yo reponn apèl Listwa.

N ap raple ke lidè izyelyen e palestinyen re rekòmanse negosyasyon lapè dirèk yo nan kòmansman mwa sa a, dabò nan peyi Lejipt, ansuit nan vil Jerizalèm, aprè yon vizit yo te fè nan Lamezon Blanch, isit Washington. Aprè misye Obama ki pale devan asanble jeneral Nasyonzini an, youn nan lidè kap pran lapawòl nan jounen an, se prezidan iranyen an, Mahmoud Amadinejad.

XS
SM
MD
LG