Accessibility links

Apèl Prezidan Barack Obama Pou Lidè G-20 yo

  • VOA Nouvèl

Apèl Prezidan Barack Obama Pou Lidè G-20 yo

Prezidan ameriken an, Barack Obama, fè konnen li atann ni aske lidè 20 pi gwo ekonomi nan lemond yo antann yo pou yo pran dispozisyon ki nesesè pou yo garanti yon kwasans ekonomik ki ekilibre e k ap kontinye. Lidè G-20 yo ouvè somè anyèl yo a jedi 11 novanm 2010 la nan Sewoul, kapital Kore di Sud, avèk yon dine-travay aprè yo te pase 2 jou ap fè negosyasyon difisil sou kesyon ki gen rapò ak dezekilib ki egziste nan balans komèsyal kèk nan yo, yon dezekilib ki bay gwo avantaj pou peyi tankou Lachin ak Lalmay, men ki pwovoke an menm an yon gwo defisi pou Lèzetazini.

Nan yon konferans pou la près Prezidan Obama bay ak prezidan sud koreyen a, Lee Myung-bak anvan ouvèti somè a, li deklare li gen konviksyon rankont sa a pran debouche sou mekamism ki nesesè pou yo evalye kwasans epi ede peyi manm gwoup G-20 an ekilibre sistem nan.

Nou pral wè nan somè sa a yon akò ki kouvri anpil domèn tout peyi yo va siyen –san bliye peyi Lalmay—akò k ap di nou bezwen garanti yon kwasans ekilibre e dirab. Nou atann- nou aske kominike final la pral kòmanse pa prevwa yon mekanism k ap ede nou poze baz kwasans ekilibre e dirab sa a epi ankouraje travay ki nesesè pou n rive ladann.

Anvan e pandan dewoulman somè a, Lachinn resevwa anpil kritik poutèt li fè eksprè li kenbe vale lajan nasyonal li a , YUAN nan, pi ba pase dola ameriken an, ak lajan lòt peyi a, yon fason pou l tire gwo avantaj pou ekpòtasyonpwodui chinwa yo. Otorite ameriken yo di mezantant sitiyasyon sa a kreye pap jwenn solisyon n nan somè Sewoul la, e sa pral mande plis negosyasyon ak Peken.

"Si gen kèk peyi k ap aji pou kont yo pou yo mennen aktivite k ap ranfòse ekspòtasyon yo, alòske sa gen move konsekans sou ekpòtasyon lòt peyi, se yon bagay ki kapab kreye pwoblèm olye pou sa rezoud pwoblèm."

Yon lòt kote, kèk peyi tankou Lachinn lanse akizasyon pou yo di desizyon otorite Finans ak Labank yo Ozetazini pran, sa pa gen lontan, pou yo ankouraje kwasans ekonomik nan peyi yo, pral pwovoke enflasyon ak yon ralantisman nan pwogrè ekonomik lakay pa yo. Sepandan, Prezidan Obama di li te pase pwòch kolaboratè li yo kap travay nan domèn nan, lòd pou yo chache elaji baz asyèt ekonomik la Ozetazini san sa pa gen konsekans sou ekonomi lòt peyi.

XS
SM
MD
LG